Bahtiri: Isa do të varroset në Boletin - Klan Kosova


Na ndiqni në:


Get it on Google Play Download on the App Store

Bahtiri: Isa do të varroset në Boletin

NULL NULL
14/05/2015
Familjarë, intelektualë dhe qytetarë të shumtë mitrovicas, kanë reaguar në lidhje me rivarrimin e eshtrave të Isa Boletinit në Vlorë.

Familjarë, intelektualë dhe qytetarë të shumtë mitrovicas, kanë reaguar në lidhje me rivarrimin e eshtrave të Isa Boletinit në Vlorë e jo në Boletin, në vendlindjen e tij.

Ata, pas vendimit të Këshillit Organizativ për rivarrimin e eshtrave të heroit Isa Boletini në Vlorë, kanë kërkuar ndihmë edhe nga kryetari i Mitrovicës, Agim Bahtiri, gjatë një takimi me të që u mbajt të enjten në Mitrovicë.

Agim Bahtiri ka premtuar se do të përdorë të gjitha rrugët institucionale për realizimin e kërkesave të familjarëve që rivarrimi i eshtrave të heroit të bëhet në Boletin.

Sipas tij, nëse këtë nuk arrin ta bëjë, ai tha se do ta thotë fjalën e tij të fundit, duke bërë të nënkuptohet se heroi do të rivarroset në Boletin.

“Unë do të mundohem që në mënyrë institucionale ta zgjidhë problemin. Duhet ta dinë qeveritarët e Kosovës se Mitrovica është e ndjeshme. Këtë që kam krijuar në Mitrovicë, duke stabilizuar gjendjen dhe duke mos pasur asnjë problem, nuk lejojmë të na shkatërrojë dikush, dhe këtë nuk ia kemi pasur borxh Qeverisë së Kosovës. Prapë i drejtohem Qeverisë së Kosovës që ta rishqyrtojë vendimin dhe ta kthej gjendjen në zero, por në fund ne do ta themi fjalën e fundit dhe Isa Boletini do të varroset në Boletin”, ka thënë Bahtiri.