Azia Juglindore vazhdon të përballet me mungesë karburanti dhe rritje çmimesh

Filipinet po përpiqen të rrisin furnizimet me karburant pasi shpallën një emergjencë kombëtare energjetike.

Qeveria thotë se po punon me Uashingtonin për të siguruar akses në naftë nga vendet nën sanksionet e SHBA-së, ndërsa synon të zgjerojë opsionet e furnizimit, shkruan BBC, transmeton Klankosova.tv.

Media lokale raporton gjithashtu se një dërgesë nafte ruse – e para në pesë vjet – ka mbërritur në vend, pjesë e përpjekjeve për të diversifikuar burimet.

Fuqitë e emergjencës u lejojnë autoriteteve të përshpejtojnë importet, të sigurojnë kontrata dhe të ndërmarrin hapa për të stabilizuar çmimet mes tregjeve globale të paqëndrueshme.

Disa në komunitetin e biznesit e kanë mbështetur këtë veprim. Një manjat kryesor tha se qeveria duhet të përdorë “çdo mundësi” të disponueshme për të drejtuar ekonominë përmes krizës.

Por punonjësit e transportit kanë kritikuar masat, duke bërë thirrje për ulje të taksave të karburantit, çmime më të ulëta të naftës dhe më shumë kontroll shtetëror mbi kompanitë private të naftës. Ata gjithashtu po bëjnë presion për rritje të tarifave dhe paga më të larta për të kompensuar kostot në rritje.

Në të gjithë Azinë Juglindore, çmimet e karburantit janë ende nën presion. Në Vietnam, çmimet e naftës janë më shumë se dyfishuar që nga fillimi i konfliktit në Lindjen e Mesme, sipas shifrave qeveritare të publikuara të mërkurën.