Avokati pyet Specialen pse nuk gjen fajtorët për masakrën e Prekazit (VIDEO) - Klan Kosova


Na ndiqni në:


Get it on Google Play Download on the App Store

Avokati pyet Specialen pse nuk gjen fajtorët për masakrën e Prekazit (VIDEO)

NULL NULL
03.12.2021 20:31

Ende askush nuk është marrë në përgjegjësi për vrasjet e 5 marsit 1998 në Prekaz.

Drejtësi për këtë masakër nuk do të bëjë as Gjykata Speciale në Hagë. Sot ky institucion u kritikua që nuk e heton këtë rast, por merret me diçka krejt tjetër.

Avokati i Hysni Gucatit vazhdoi me këso pyetje për prokurorinë edhe për masakra tjera që janë bërë në Kosovë.

Ai ia dha një epitet Prokurorisë Speciale, për të cilën tha se nuk e publikon emrin e një personi që aktualisht punon në këtë zyrë, dhe i cili, siç tha, është implikuar në procesin përmes të cilit materiale të Hagës mbërritën në zyrat e OVL-UÇK-së.

Mbrojtja e Gucatit në Hagë tha se ka prova që ZPS u ka kërkuar bashkëpunim personave që kanë kryer krime në Kosovë, në mënyrë që ta bëjnë fajtor të mbrojturin e tij dhe Nasim Haradinajn.

Kronikë e gazetarit Florent Zeqaj.