Aukus: Franca tërhiqet nga bisedimet me Ministrinë e Mbrojtjes në Mbretërinë e Bashkuar

Ministrja e Mbrojtjes e Francës ka anuluar bisedimet me homologun e saj në Mbretërinë e Bashkuar mes grindjes së nxitur nga një marrëveshje e re e sigurisë midis Britanisë, SHBA-ve dhe Australisë. Parisi është i zemëruar pasi Australia nënshkroi paktin Aukus për ndërtimin e nëndetëseve me energji bërthamore, duke u tërhequr nga një kontratë e madhe me Francën që ishte në proces.

Kryeministri britanik Boris Johnson tha se Franca nuk kishte asgjë për t’u shqetësuar nga marrëveshja. Por takimi i Florence Parly me Sekretarin e Mbrojtjes të Mbretërisë së Bashkuar Ben Wallace në Londër këtë javë, është anuluar. Lord Ricketts, një ish-ambasador britanik në Francë i cili duhej të ishte bashkë-kryesues i dy ditëve të bisedimeve, konfirmoi se takimi ishte “shtyrë për një datë të mëvonshme”, raporton BBC, transmeton Klankosova.tv.

Marrëveshja Aukus e ndërmjetësuar javën e kaluar, e parë gjerësisht si një përpjekje për të kundërshtuar ndikimin e Kinës në Detin e kontestuar të Kinës Jugore, përfundoi një marrëveshje me vlerë 37 miliardë dollarë (27 miliardë paund) të nënshkruar nga Australia në 2016 me Francën për ndërtimin e 12 nëndetëseve konvencionale.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.