Astrit Gashi: Muhaxheri cinik, kundërkandidatët i ikën gjuhës së tij

Analisti politik, Astrit Gashi ka komentuar debatin mes kandidatëve për kryetar të Pejës që është zhvilluar sonte në Magazina Lokale në Klan Kosova.

Gashi ka thënë se kryetari aktual i Pejës, Gazmend Muhaxheri, ka qenë shpesh herë cinik, por që kundërkandidatët e tjerë i janë ruajtur.

“Debatet për Pejën nuk kanë qenë shumë të ashpra, Gazmend Muhaxheri si kryetari aktual i Pejës ka qenë i vetmi, që në pjesën më të madhe të kohës ka tentuar t’i ikë debatit edhe me cinizëm, akuza e pyetje”.

“Edhe sonte, disa herë i tha kandidates së PDK-së “nuk i merr vesh” por në anën tjetër, kundërkandidatët janë ruajtur nuk janë futur në gjuhën e Muhaxherit, sepse cinizimi i fuqishëm është terren i tij, dhe i kanë ikur kësaj pune”.

Gashi në Analiza Lokale në Klan Kosova ka komentuar kandidatët për qytetin e Pejës.

“Kandidati i LDK-së (Gazmend Muhaxheri) më së paku më duket si kandidat i LDK-së, s’është profil i kandidatit të LDK-së, ka qenë kandidat  i partisë “Ora”, në kohën sa ka qenë “Ora” ka punuar në komunë, në qeverisjen e AAK-së të Ali Berishës”.

“Është kandidat i huaj për LDK-në, është pritur dhe zhvilluar nga LDK-ja, prej njerëzvë të Prishtinës edhe në zgjedhjet e kaluara ka pas përkrahje të oligarkëve, dhe përkrhaje të Xhavit Halitit dhe PDK-së”.

“Kandidatja e PDK-së (Sabiha Shala) është kandidate grua, është kandidate grua në një qytet të madh, po e respektoj shumë se nuk ka hyrë në ballafaqime personale”.

“Ajo po tregon se marrja e pushtetit nuk është gjithçka për të, po tregon fytyrën dhe planin e saj. Ka hendikep që PDK-ja nuk po arrin të imponohet si parti e fuqishme në Pejë”.

“Kandidati kryesor për të hyrë në balotazh është Fatmir Gashi nga AAK-ja, AAK ka bërë përzgjedhjen e duhur sepse ka vendosur kandidatin që tejkalon elektoratin tradicional të AAK-së”.

“Është teknokrat, ndërmarrës i mirë dhe ekonomist shumë i mirë, djalë i sinqertë dhe i butë”.

“Kandidati i Vetëvendosjes (Bashkim Nurboja) është njeri i mirë, profesor i nderuar, ka përfunduar shkollimin adekuat”.

“Më duket e padrejtë që dikush prej kundërkandidatëve ia qesin do libreza që i ka pasur disa nota të dobëta në shkollë fillore ose të mesme”.

“Ka mundur të jetë më kritik ndaj kryetarit, e jo kundërkandidatëve të tjerë. E shoh në garë po balotazhi mendoj që është mes AAK-së edhe LDK-së”.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.