As këtë javë, s`diskutohet për Specialen

Ligji për themelimin e Gjykatës Speciale nuk do të diskutohet as në dy seancat plenare që Kuvendi i Kosovës do t’i mbajë gjatë kësaj jave.

Kështu u vendos sot gjatë mbledhjes së kryesisë së Kuvendit

Kryeparlamentari Kadri Veseli tha se janë duke vepruar në bazë të ligjit dhe posa të miratohen nga komisioni funksional do ta procedojnë në seancë plenare edhe Ligjin për themelimin e Gjykatës Speciale.

Sipas tij do të ishte mirë që javën e ardhshme të diskutohej në Kuvend ligji për Gjykatën Speciale por nuk e dinë saktë se a do ndodh kjo apo jo.

Ai poashtu tha se është mirë të jenë të përgjegjshëm dhe ta ruajnë konsensusin institucional ndaj kësaj çështje.

Ndërkohë, gjatë kësaj jave, pritet që të shqyrtohet edhe peticioni i qytetarëve për ngritjen e energjisë elektrike.

 

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.