Artisti Halilaj kthehet në Drenicë, shfaqë operën “Syrigana”

Artisti i njohur ndërkombëtarisht, Petrit Halilaj, është kthyer në Drenicë, përkatësisht në fshatin e tij në Syriganë për ta shfaqur operën me emrin e fshatit të tij.

Ky organizim është bërë në bashkëpunim me Filarmoninë e Kosovës, ku gazetarja e Klan Kosovës, Altianë Zogaj, tha se përgatitjet tashmë janë në fazën finale dhe po bëhen vetëm testimet e fundit për sa i përket aspektit teknik.

“Vendi ku do performohet është i veçantë pasi janë disa traktorë që janë përzgjedhur të paraqesin kujtesën dhe nostalgjinë që artisti Halilaj ka me vendin, që është Syrigana”, tha gazetarja Zogaj, njofton Klankosova.tv.

Opera e artistit Petrit Halilaj pritet të nis me fillim nga ora 19:00.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.