Arrestohet shtetasi serb, sulmoi zyrtarët policorë në Jarinjë

Një shtetas serb është arrestuar mëngjesin e së enjtes pasi dyshohet se ka sulmuar zyrtarët policorë në pikën kufitare të Jarinjës.

Siç njofton Policia, një zyrtar policor ka pranuar tretman mjekësor, kurse i dyshuari është dërguar në mbajtje.

“PKK Jarinjë, Leposaviq / 02.10.2025 – 04:55. Është arrestuar i dyshuari mashkull shtetas i Serbisë pasi që i njëjti ka sulmuar zyrtarët policorë. Një zyrtar policor ka pranuar tretman mjekësor, ndërsa i dyshuari me vendim të prokurorit është dërguar në mbajtje”, u tha në njoftimin e PK-së.

Rasti është hapur si “Sulm ndaj personit zyrtar”. /Klankosova.tv