Arrestohet se kërkoi 5000 euro për ta punësuar dikë

Dy persona janë arrestuar nën dyshimin se kanë kryer veprat penale si marrje ryshfeti, mashtrim dhe shkelje të fshehtësisë së procedurës.

Sipas policisë i arrestuari i parë në kë rast me inicialet G. I., dyshohet se ka kërkuar para në vlerë 5.000 euro për punësimin e një personi, ndërsa sipas hetimeve paraprake  duke përfshirë edhe intervistimin e disa dëshmitarëve, i dyshuari i lartcekur G. I. me qëllim të punësimit kishte pranuar para në vlerë mbi 12,700 euro.

Ndërsa, i arrestuari i dytë me inicialet A.Z dyshohet se ka kryer veprën penale “shkelje e fshehtësisë së proceduar” për shkak se ka zbuluar informata, zbulimin e të cilave e ndalon ligji.

Prangosja e tyre erdhi pasi më 6 nëntor të këtij viti  Sektori për Hetimin e Korrupsionit në kuadër të  Drejtorisë për Hetimin e Krimeve Ekonomike dhe Korrupsion, ka pranuar një ankesë nga një qytetar lidhur me këtë rast.

Për të arrestuarit është caktuar masa e ndalimit prej 48 orësh, transmeton Klan Kosova.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.