Arrestohet në Paris, reperi Travis Scott

Reperi amerikan, Travis Scott është arrestuar sot në Paris pasi është përleshur me truprojën e tij, thanë autoritetet në kryeqytetin francez.

Policia u thirr në hotelin “George V” në orën 5 të mëngjesit për të ndaluar sherrin, thanë ata.

Artisti i cili shkoi në Paris për Lojërat Olimpike, të enjten mori pjesë në gjysmëfinalen e basketbollit të meshkujve ku Amerika mundi Serbinë, shkruan CNN, transmeton Klankosova.tv.

Ai u arrestua për “dhunë ndaj një roje sigurie”, tha të premten zyra e prokurorit të Parisit.

Roja i sigurisë kishte tentuar të ndalonte një sherr mes reperit dhe truprojës së tij, sipas një zëdhënësi të prokurorit, i cili shtoi se një hetim tashmë është hapur.