Arrestohet i dyshuari për vrasjen e reperit Nipsey Hussle

Është arrestuar një i dyshuar për vrasjen e reperit të Los Angeles Nipsey Hussle, kanë bërë të ditur zyrtarët policorë.

29 vjeçari Eric Holder ishte në arrati, pasi u largua nga skena e krimit me një makinë që ishte në pritje, tha Departamenti i Policisë në Los Angeles.

Hussle, 33 vjeç, u qëllua jashtë dyqanit të tij të veshjeve në Los Angeles të dielën.

Hetuesit besojnë se vrasja vjen si rezultat i një “çështje personale” ndërmjet Holder dhe Hussle.

Kamerat e sigurisë tregojnë një burrë me një këmishë të errët që qëllon të paktën tre herë përpara se të largohet, njoftoi TMZ.

Dy të tjerë u plagosën nga këto të shtëna.

Eric Holder, the suspected killer of Nipsey Hussle, has been arrested and is in police custody. Thank you to both our community for the heightened awareness/vigilance, and our partners at @LASDHQ. pic.twitter.com/0zujy89Yfm

— LAPD HQ (@LAPDHQ) April 2, 2019