Aroma që zbulohet në milisekonda, studimi rrëzon mite mbi shpejtësinë e nuhatjes

Një studim i ri tregon se shqisa e nuhatjes te njerëzit është shumë më e shpejtë nga sa mendohej, duke ndryshuar konceptin se është më “e ngadaltë” se shikimi ose dëgjimi.

Studiuesit nga Akademia Kineze e Shkencave në Pekin zbuluan se njerëzit mund të dallojnë ndryshime në aroma për aq shpejt sa 60 milisekonda, afërsisht koha e nevojshme për të parë një ndryshim të shpejtë ngjyrash.

Në eksperimentin e tyre, ekipi përdori një pajisje që shpërndante aroma me precizitet të lartë. 229 pjesëmarrës ishin në gjendje të dallonin dy aroma të vendosura njëra pas tjetrës me një ndarje të vogël kohore.

Profesor Dmitry Rinberg nga NYU Langone vë në dukje se kjo ndjeshmëri kohore në nuhatje ngjan me mënyrën se si dallojmë tingujt në një melodi. Sipas tij, kjo mund të ndihmojë shkencën të marrë më seriozisht shqisën e nuhatjes, që deri më sot është vlerësuar më pak se shikimi dhe dëgjimi.

Studiuesit besojnë se ky zbulim do të sjellë përfitime klinike në trajtimin e pacientëve me humbje të nuhatjes dhe zhvillimin e pajisjeve të reja si “hundët elektronike”.