Armenia thotë se Turqia ia rrëzoi një aeroplan ushtarak NULL NULL 4 javë më parë 4 javë më parë Armenia thotë se një aeroplan luftarak është rrëzuar nga Turqia dhe piloti u vra në konfliktin mes Azerbajxhanit dhe Armenisë, siç raporton BBC. Ministria e jashtme armene tha se piloti i SU-25, prodhim sovjetik, vdiq pasi u godit nga F-16 turk në hapësirën ajrore armene. Turqia, e cila po mbështet Azerbajxhanin në konflikt, deri më tani nuk ka bërë komente publike mbi këtë çështje. Turqia me herët ka thënë se është e vendosur të ndihmojë Azerbajxhanin “të rifitojë territoret e saj të okupuara” në Nagorno-Karabak, njofton Klan Kosova. “Turqia do të angazhohet plotësisht për të ndihmuar Azerbajxhanin për të rifituar territoret e saj të okupuara dhe për të mbrojtur të drejtat dhe interesat e saj sipas ligjit ndërkombëtar,” tha Fahretin Altun, drejtori i komunikimit i presidencës turke.
