Armend Mehaj viziton familjen e dëshmorit Ibrahim Mazreku

Ministri i Mbrojtjes, Armend Mehaj, ka vizituar familjen e dëshmorit Ibrahim Mazreku.

Në këtë vizitë, Mehaj tha se trimëria e bujaria e tij ishin virtyte të larta, teksa shtoi se si njohës i mirë i armëve, Mazreku ishte angazhuar rreth furnizimit me armatim për UÇK-në

I pari i Mbrojtjes tha se kudo që kishte betejë, Mazreku ishte në vijë të frontit, teksa shtoi se ai ishte edhe komandant i njësisë “Arbëri”, që në atë kohë kishte për detyrë intervenimet e shpejta, kudo që paraqitej nevoja.

“Ibrahimi ishte komandant i njësisë “Arbëri” e cila kishte për detyrë intervenime të shpejta, kudo që paraqitej nevoja, brenda territorit të brigadës 121 “Ismet Jashari – Kumanova”, në territorin e së cilës ndodheshin instancat më të larta ushtarake si: Shtabi i Përgjithshëm, Radio-Kosova e Lirë, Kosovapress, Spitali i Ushtarak, si dhe mbi 100 mijë civilë të ardhur nga vise të ndryshme të Kosovës”, shkroi Mehaj në llogarinë e tij në Facebook, transmeton Klankosova.tv.

Tutje, Mehaj tha se Mazreku detyrat e tij i realizoi me sukses, duke mos lejuar kurrë forcat paralamilitare serbe të hyjnë në Malet e Berishës

Ibrahim Mazreku ra heroikisht më 2 qershor 1999, në lagjen Tanashec të Lladrocit

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.