Ariu hyn në shtëpi dhe e ha ushqimin e maces (VIDEO)

Zyrtarët e botës së egër në Colorado thanë se një ari u ngjit në një shtëpi përmes një dritareje të hapur dhe u largua pasi kishte ngrënë ushqim për macet që gjeti brenda.

Nga Colorado Parks and Wildlife thanë se ariu u ngjit përmes një dritareje në shtëpinë në Gunbarrel, Qarku Boulder dhe u ngop me ushqimin e maces që gjeti brenda.

Zyrtarët thanë se ariu mbaroi vaktin e saj dhe u largua nga e njëjta dritare. Kishte banorë në shtëpi në atë kohë, por nuk u raportua për lëndime.

“Ju dëgjoni për këso raste shumë më tepër në qytetet malore ku shumë shtëpi ose kabina nuk kanë kondicionim të ajrit,” tha zëdhënësi i CPW-së Jason Clay për KCNC-TV. “Arinjtë mund të kalojnë nëpër dritare shumë lehtë. Ata mund të hapin derën tuaj të përparme lehtësisht në varësi të llojit të dorezës së derës që keni”.

“Gunbarrel po del pak nga ajo zonë ku mbase banorët nuk e presin atë. Tani që e dinë se ka arinj në zonë, është koha për të marrë masat e duhura paraprake,” tha ai.

Departamenti rekomandon që banorët në zonat e frekuentuara nga arinjtë të bëjnë përpjekje për të mbrojtur shtëpitë e tyre.

“Mbani të gjitha dritaret dhe dyert e arritshme nga ariu të mbyllura dhe të kyçuraa, përfshirë dyert e shtëpisë, garazheve dhe automjeteve”, thuhet në faqen e internetit të CPW.