Ariana Grande transformon tatuazhin që e kishte për ish të dashurin

Ariana Grande ka festuar nisjen e turneut të saj botëror “Sweetener” që do të fillojë mbrëmjen e sotme në Albany, me modifikimin e njërit nga tatuazhet e saj të vjetra.

Në tatuazhin original shkruhej fjala “Always” [Gjithmonë], një tatuazh që Grande e kishte bërë në muajin qershor, pak para ndarjes me Pete Davdison.

Madje, kur këngëtarja shfaqi tatuazhin e saj, shumë prej fansave spekuluan se ky tatuazh ishte shkruar nga vet Davidson.

Grande ka zbuluar se si e ka transformuar tatuazhin e saj që e kishte bërë për ish-të dashurin përmes një postimi në Instagram – fjala “always” nuk është fshirë krejtësisht por rreth kësaj fjale tashmë është krijuar një tatuazh i ri, një gjethe e madhe.

Ajo madje në këtë postim ka thënë se nuk e ka mbuluar tatuazhin e vjetër.

“Nuk është një mbulim, është thjesht një evoulim. Gjithashtu, turneu nis nesër. Ju dua dhe jam shumë mirënjohëse – shihemi së shpejti”, ka shkruar ajo në postimin ku ka bërë ‘tagg’ edhe artisten e tatuazheve Mira Mariah – që i ka bërë edhe disa tatuazhe të tjera në të kaluarën për Granden.

View this post on Instagram

post run thrus, 3 am with @girlknewyork 🙂 not a cover up just evolvin 🌫 also, our show opens tomorrow. i love u and i’m so grateful. see u soon.

A post shared by Ariana Grande (@arianagrande) on Mar 17, 2019 at 8:32am PDT

Sipas Page Six, Grande ka bërë gjashtë tatuazhe që ndërlidhen me ish të dashurin e saj gjatë lidhjes së tyre të dashurisë që nuk ka zgjatur shumë.

Qysh prej ndarjes së tyre në muajin tetor, fansat kanë vënë re që këngëtarja e shumë hiteve ka mbuluar shumë prej këtyre tatuazheve përfshirë edhe atë ku shkruan “Reborn” [Rilindje] – tatuazh që e kishte realizuar bashkë me Pete Davidson – që e ka zëvendësuar me gjethe fieri.

Pete Davidson gjithashtu ka modifikuar koleksionin e tatuazheve që ka realizuar bashkë me Ariana Granden ose për hir të saj.