Apeli dërgon rastin “Pronto” në Departamentin e Krimeve të Rënda

Gjykata e Apelit e ka kthyer rastin ”Pronto” për gjykim në Departamentin e Krimeve të Rënda, pasi e ka aprovuar si të bazuar ankesën e Prokurorisë Sepciale.

Kjo në çështjen ndaj ish-shefit të PDK-së, Adem Grabovci, ministri i Inovacionit dhe Ndërmarrësisë, Besim Beqaj, deputeti Zenun Pajaziti dhe tetë të akuzuarit tjerë të këtij rasti, njofton Klan Kosova.

Sipas njoftimit aktvendimi i Gjykatës Themelore në Prishtinë, i datës 13.08.2018 është ndryshuar:

”Gjykata e Apelit e Kosovës e ka aprovuar si të bazuar  ankesën e Prokurorisë Speciale të Republikës së Kosovës në rastin e A.G. dhe të  pandehurve tjerë. Aktvendimi i Gjykatës Themelore në Prishtinë, i datës 13.08.2018 është ndryshuar, ashtu që për zbatim të procedurës në këtë çështje penale, kompetent është caktuar  Departamenti i Krimeve të Rënda, i kësaj gjykate”.

Në Gjykatën Themelore në Prishtinë është duke u mbajtur shqyrtimi gjyqësor kundër A.G. etj. për shkak të veprës penale ”Shkelje e statusit të barabartë të shtetasve të Republikës së Kosovës”.

Kryetari i trupit gjykues të këtij rasti, ditë me parë me propozim të një avokati mbrojtës, e kishte shpallur Departamentin e Krimeve të Rënda  jo kompetent në pikëpamje lëndore, duke konsideruar se kjo çështje bie në kompetencë të Departamentit të Përgjithshëm.

Gjykata e Apelit e Kosovës sipas kumtesës, konsideron se ky konstatim nuk qëndron dhe se aktvendimi i shkalles se parë nuk është i bazuar, njofton Klan Kosova.

bazuar.