Ancelotti: Shpresa vdes e fundit

Në konferencën pas fitores në fushën e “Sanchez Pizjuan”, trajneri i mbretërve, Carlo Ancelotti e përshkroi ndeshjen si luftë të vështirë.

Kur u pyet për menidmin e tij pas debaklit që Barcelona i bëri Cordobas Don Carlo, u shpreh me respekt për kalalanët.

“Nuk jam i befasuar me shumësinë e golave të shënuar nga Barcelona, por unë e pata thënë pas ndeshjes në të cilën mposhtëm Granda-n 9-1, se është mirë të fitosh nëntë ndeshje me rezultat 1-0, sesa me tetë gola diferencë.”- tha Ancelotti.

Italiani iu përgjigj edhe interesimit të gazetarëve se a ka ai shpresë në triumfin në La Liga.

“Shpresa vdes e fundit. Ne duhet të fitojmë tre ndeshjet e mbetura dhe të shpresojmë deri në fund.”- u shpreh Ancelotti.

Real Madrid mbetet dy pikë prapa rivalëve të përbetuar Barcelonës, me tri ndeshje të mbetura për t’u zhvilluar dhe kalendar më të lehtë ndeshjesh se katalanët.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.