Ancelotti flet për Alonson: E ka dëshmuar që është ndër më të mirët në botë

Trajneri i Real Madridit, Carlo Ancelotti, ka reaguar ndaj spekulimeve mbi të ardhmen e tij, pasi Xabi Alonso pritet ta pasojë atë këtë verë.

Trajneri italian raportohet se do t’i bashkohet Brazilit në fund të sezonit, ndërsa Alonso tregoi për largimin nga Bayer Leverkuseni të premten.

Alonso ka mbetur i rezervuar për të ardhmen e tij pas Leverkusenit, duke dhënë një konferencë shtypi disa orë pas raporteve që thonë se ai ka arritur një marrëveshje trevjeçare me Real Madridin.

“Pashë që ai po largohet nga Bayer Leverkuseni. Ai ka bërë një punë të jashtëzakonshme dhe dyert janë të hapura për të sepse e ka dëshmuar se është një nga më të mirët në botë”, ka thënë Ancelotti.