Ambasadorët britanikë në Prishtinë e Beograd kërkojnë zbatim sa më të shpejtë të marrëveshjes

Ambasadorët e Mbretërisë së Bashkuar në Beograd dhe Prishtinë, Nicolas Abbott dhe Sian MacLeod kanë mirëpritur marrëveshjen e kësaj fundjave në Ohër nga Kosova dhe Serbia.

Abbott dhe MacLeod kërkuan që marrëveshja të zbatohet sa më shpejt dhe theksuan se Mbretëria e Bashkuar do t’i mbështesë të dyja palët.

“Albin Kurti dhe Aleksandar Vuçiq bënë një hap të guximshëm dhe domethënës përpara duke rënë dakord për një plan për zbatim këtë fundjavë. Ne presim – dhe jemi të gatshëm të mbështesim – të dyja palët të lëvizin shpejt për ta bërë marrëveshjen realitet”, thuhet në deklaratën e tyre të përbashkët.

Rrini të informuar mbi zhvillimet kryesore duke u bërë pjesë e komunitetit tonë në Viber

BONUS: Merreni aplikacionin tonë në Android dhe iOS