Ambasada britanike në Shqipëri: Zhvillimet në Kuvend, pozita dhe opozita të punojnë së bashku

Ambasada e Britanisë së Madhe në Shqipëri ka reaguar për zhvillimet e djeshme në Kuvendin e Shqipërisë pas një përplasjeje mes deputetëve, si dhe lëshimit të tymueseve nga opozita.

Në njoftimin e lëshuar në Facebook nga ambasada thuhet se shprehin shqetësimin lidhur me zhvillimet më të fundit në Parlamentin e Shqipërisë.

“Një parlament që funksionon dhe dialogu konstruktiv mes përfaqësuesve të zgjedhur janë thelbësorë për të garantuar legjislacionin dhe shërbimet në mënyrë efektive”.

“U bëjmë thirrje shumicës dhe opozitës të punojnë së bashku për të garantuar që parlamenti të mund të ushtrojë rolin e tij mbikëqyrës dhe të veprojë në interesin e të gjithë qytetarëve”, thuhet në njoftim./Klankosova.tv

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.