Aksidentohen tri automjete në Llaushë të Skenderajt, lëndohen dy persona

Gjatë ditës së enjte, në rrugën rajonale Skenderaj-Klinë, saktësisht në zonën e fshatit Llaushë ka ndodhur një aksident trafiku mes një kampioni dhe dy veturave.

Si pasojë të lënduar kanë mbetur dy persona.

Rastin për Klankosova.tv, e ka konfirmuar zëdhënësi i policisë për rajonin e Mitrovicës, Avni Zahiti.

“Aksident trafiku me lëndime i shkaktuar rreth orës 17:00 në rrugën rajonale Skenderaj- Klinë, zona në fshatin Llaushë . Në aksident janë përfshirë një  kamion dhe dy vetura,  ndërsa lëndime kanë pësuar dy  persona”, tha Zahiti për Klankosova.tv.