Aksident tragjik në Itali, vdesin katër shqiptarë (FOTO)

Një aksident tragjik ka ndodhur gjatë së dielës mbrëma në Itali, në rrugën Via Emilia në Parma.

Si pasojë katër persona me origjinë shqiptarë kanë vdekur.

Sipas mediave italiane viktima është 22-vjeçarja Shane Hyseni si dhe tre fëmijë të moshës 2, 8 dhe 12 vjeç.

Ndërkaq i plagosur ka mbetur një burrë i cili është në gjendje të rëndë shëndetësore, transmeton Klankosova.tv.

“Viktimat janë: Shane Hyseni, 22 vjeç, Mattias Lame , 1 vjeç e gjysmë, Rejana Hyseni , 8 vjeç dhe Resat Hyseni , 11, motra dhe vëllai i Shanes. 30-vjeçari është partneri dhe babai i Mattias Lame”.

Sipas raportimeve të mediave italiane, makina tip Fiat Stilo raportohet se është përplasur me një shtëpi të pabanuar.

Nuk dihen ende shkaqet e aksidentit tragjik, ndërsa nga pamjet në vendngjarje shihet që makina është shkatërruar plotësisht.