9:31, 10 Tetor 2019

Një person ka vdekur në aksidentin që ka ndodhur dje, rreth orës 15:00, në rrugën “Shkelzen Haradinaj” në Prishtinë.

Në këtë aksident kanë qenë të përfshira dy automjete, vetura e tipit  “Golf ” dhe një autobus i tipit Mercedes.

Si pasojë e këtij aksidenti është lënduar ngasësi i veturës “Golf” i cili  nuk ka arritur t’i përballojë plagët e shkaktuara nga aksidenti dhe i njëjti, rreth orës 18:00, në QKUK, ka ndërruar jetë.

Viktima është  R. M. 27 vjeç, mashkull, vdekja e të cilit është konfirmuar nga ana e ekipit mjekësor në QKUK.

Lidhur me këtë aksident drejtuesit  të autobusit,  me urdhër të Prokurorit të Shtetit, i është shqiptuar masa e ndalimit  prej 48 orësh.

Ndërkohë, trupi i viktimës është dërguar në Institutin e Mjekësisë Ligjore për obduksion.

Konkurs Pune

Lexo më shumë