Aksident i rëndë në Miradi, përplasen dy vetura – njëra përfundon e rrotulluar (VIDEO)

Një aksident i rëndë ka ndodhur mbrëmë në orët e vonshme në Miradi.

Bazuar në pamjet e dërguara në redaksinë e Klankosova.tv, në këtë aksident janë përfshirë së paku dy vetura, ku njëra prej tyre ka përfunduar e rrotulluar.

Ende nuk dihet nëse ka të lënduar si pasojë e kësaj përplasjeje, ndërkohë Klankosova.tv ka dërguar pyetje në polici për të marrë informacione shtesë lidhur me rastin. Deri më tani, redaksia nuk ka pranuar përgjigje.