Aguero, ylli që këtë verë kërkon Madridi

Dhurata më e mrië e Kun Agueros për datëlindjen e tij të 27-të mund të jetë lajmi se presidenti i Real Madrid, Florentino Perez e ka piketuar si yllin që duhet transferuar këtë verë në tempullin madrilen.

Real Madrid çdo vit transferon yjet më të mëdhenj. Para dy vitesh ishte Gareth Bale, që justifikoi paratë e paguara për të vetëm në sezonin e parë. Ndërsa, verën që shkoi ishte James Rodriguez që ka shpaguar çdo cent që mbretërit derdhën në arkën e Monaco për transferimin e tij.

Megjithëse nuk ka shumë lojtarë që do të shkaktonin tërmet transferimi, pasi shumica  e tyre tashmë luajnë për Realin ose Barcelonën, Kun ka fituar këtë epitet pasi përfundoi sezonin si golshënuesi më i mirë i Premier League.

Për më shumë, Perez e di se e vetmja mënyrë për të rifituar dashurinë dhe respektin e tifozëve pas shkarkimit të Carlo Ancelottit është sjellja e një ylli në skuadër; Kun plotëson pritshmëritë.

Vet transferimi i tij tek Citizens ishte i çuditshëm, pasi Aguero priste një kalim tek gjigandët spanjoll. Dëshirën e tij e pati shprehur edhe kur u kthye të luajë në Santiago Bernabeu me fanelën e Manchester City, në vitin 2012, kur pati thënë: “Nuk kisha zgjidhje tjetër, ndaj shkova në Manchester”.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.