Afro 60 mijë persona e kaluan natën në hotelet e Kosovës

Agjencia e Statistikave të Kosovës ka publikuar Statistikat e Hotelerisë në Kosovë për tremujorin e tretë të këtij viti,

Pjesë e kësaj ankete të ASK-së ishin 107 hotele, që ushtrojnë veprimtari  hoteliere në territorin e Kosovës, pjesa më e madhe e të cilëve  gjenden në rajonin e Prishtinës, Ferizajt, Pejës. Sipas anketës, kapaciteti i shfrytëzuar në nivel vendi është 17.07%.

“Në TM3 2015 numri i vizitorëve është 40 340 vizitor, 43.29 % janë  vizitor vendor, dhe 56.71 % janë vizitor të jashtëm kurse numri i bujtjeve  në TM3 2015 është 57 837 bujtje, 42.40% e bujtjeve janë nga vendorët dhe 57.60 % janë të huajt”.

“Numrin më të madh të vizitorëve dhe netëqëndrimet të tyre e ka regjioni i Prishtinës me 21 726 vizitor dhe 31 530 netëqëndrime”.

“Numri më i madh i vizitorëve të huaj përqendrohet në rajonin e Prishtinës, Pejës etj. Ndërsa, sa u përket vizitorëve të huaj numri më i madh është nga Shqipëria, Gjermania, Zvicra” bëhet e ditur në këtë hulumtim, transmeton Klan Kosova.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.