AAK-ja konferencë mbi sektorin e shëndetësisë

 

AAK-ja sot mbajti një konferencë të organizuar nga Departamenti i Shëndetësisë së AAK-së, mbi sektorin e shëndetësisë në vend.

Konferencën e hapi kryesuesi i Departamentit të Shëndetësisë, Talat Gjinolli, njofton Klan Kosova.

I pranishëm në këtë konferencë ishte edhe lideri i AAK-së, Ramush Haradinaj i cili shprehi falenderim për mjekët e aftë që ka Kosova.

Në konferencë u diskutua për strategjitë për mbrojtjen e shëndetësisë së qytetarëve, gjendjen aktuale si dhe problemet që ka shëndetësia sot.

Gjinolli është shprehur se Kryeministri i Kosovës, Isa Mustafa, nuk ka zgjidhje për problemet që ka shëndetësia.

Aty gjithashtu u diskutua edhe për buxhetin e qeverisë, dhe si qeveria për shëndetësi këtë vit ka ndarë më pak buxhet se viteve të kaluara.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.