A ndikoi Kurti në zgjedhjet lokale të Maqedonisë së Veriut? (VIDEO)

Kryetari i BDI-së, Ali Ahmeti ka akuzuar kryeministrin në detyrë të Kosovës, Albin Kurtin, për interferencë në zgjedhjet lokale të 19 tetorit në Maqedoni të Veriut.

Analisti Albert Musliu, në emisionin “Kosova Today” thotë se Kurti me disa veprime dhe paraqitje, ka ndihmuar VLEN-in, transmeton Klankosova.tv.

“Deputeti i VLEN-it është pjesë e parlamentit të Maqedonisë, ku disa herë, zotëri Kurti ka thënë se është deputet i Lëvizjes Vetëvendosje, edhe është pjesë e forumit parlamentar të Maqedonisë, edhe mendoj që me disa veprime, me disa paraqitje të veta, gjithsesi i ka ndihmuar VLEN-it ta krijojë narrativen. Sa ka pasur efekt, duhet të hulumtohet më thellë”, u shpreh Musliu.