A e voton PDK-ja kandidatin e LVV-së për kryeparlamentar? Flet Krasniqi (VIDEO)

Kryetari i PDK-së, Memli Krasniqi, ka folur për gjasat se a do të votojnë pro kandidatët për deputetë nga subjekti që ai drejton për personin që Lëvizja Vetëvendosje do ta propozojë si kandidat për kryetar të Kuvendi të Kosovës.

Në emisionin Rubikon të Klan Kosovës, ai ka deklaruar se deri tani PDK-ja ende nuk e ka qëndrim për këtë, dhe se do të diskutohet.

“Do ta diskutojmë këtë në ndërkohë me kolegët e mi të grupit parlamentar dhe kryesinë e partisë, por normalisht edhe kandidati e ka rëndësinë e vet. Sepse secili prej nesh ka një bagazh dhe një kontribut në të kaluarën e cila mund të ndikojë edhe mundësinë apo shanset për të marrë një numër të caktuar të votave”.

“Por sidoqoftë, dëshiroj të them nuk e shoh krejt të vështirë me e pasë minimumin e votave në një konstalacion aktual për t’u zgjedh kryetari i Kuvendit nga ana e partisë së parë, nuk e shoh shumë të vështirë”, ka thënë Krasniqi. /Klankosova.tv

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.