Helena Kadare vjen në Prishtinë

Shkrimtarja e njohur nga Shqipëria, Helena Kadare, më 7 dhe 8 tetor do ta vizitojë Prishtinën.

Më datën 7 tetor autorja e romanit  “Një grua nga Tirana”, do të jetë mysafire e takimeve letrare “Letërsia dhe qyteti” në kafe-librarinë “Sonder” në Prishtinë, ku para një publiku, pjesë e të cilit mund të jetë secili që pi një kafe në barin “Sonder”. Ky takim do të mbahet nga ora 20:00.

Më datën 8 tetor ajo do të pritet nga kreu i shtetit Hashim Thaçi në ora 10:00. Poashtu do të ketë edhe takime me kryeministrin Ramush Haradinaj, në po të njëjtën ditë prej orës 10:30, dhe do të takojë studentët dhe profesorët e Universitetit të Prishtinës, në Fakultetin Filozofik, njofton Klan Kosova.

Takimet janë të hapura për media.

Helena Kadare ndryshe është edhe bashkëshortja e shkrimtarit të madh shqiptar Ismail Kadare.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.