Njerëzit argëtohen duke e torturuar qenin

Sjellja e mirë ndaj kafshëve është virtyt i njerëzve me shpirt të mirë, të paktën kështu besohet.

Mirëpo ka njerëz që nuk i intereson fare kjo çështje dhe mëshira e tyre për kafshët zhduket  kur ndjejnë kënaqësi me torturimin e tyre.

Një person që sipas LiveLeak është punëtor,  ka ngjyrosur qenin e tij me ngjyrë të kuqe të ndezur, transmeton KlanKosova.

Edhe pse ai me personin qe e xhiron videon dëgjohen duke qeshur, qeni i bërë i tëri me ngjyrë nuk duket edhe aq i “lumtur”, ndërsa njëri prej tyre shihet që është kujdesur për veten duke u pajisur edhe me maskë të posaçme për ngjyrosje.

Sigurisht që bëhet e ditur që qeni do të ketë edhe dëme shëndetësore për shkak të kimikateve që lirohen nga ngjyra e përdorur.