Gucci sjell koleksionin e ri me Harry Styles

Harry Styles është personazhi i fundit që i është bashkuar gjigantit të modës “Gucci”.

Këngëtari dhe aktori britanik do të jetë fytyra e kësaj shtëpie të modës për kampanjën mediatike të koleksionit për vitin 2018. Ky koleksion do të shfaqë kostume të punuar kujdesshëm deri në detajet e fundit.

Të shkrepura nga fotografi, Glen Luchford, me regjisor artistik Christopher Simmonds, imazhet e shfaqin Styles në një market në veri të Londrës, të rrethuar nga kafshët si pulat dhe qentë.

Muzikanti është shfaqur në disa kostume të ndryshme Gucci, të kombinuara me këmisha dhe kravata, njëkohësisht edhe me aksesorë të ndryshëm si ora, qafore apo unaza.