Festë në familjen Ramadani pas lirimit të djemve të saj (VIDEO)

Burim e Arsim Ramadani dhe Arben Kiçina janë falur nga presidenti, Hashim Thaçi.

Ata kanë qenë të dënuar me nga 30 vjet burgim për vrasjen e Hamzë Hajrës dhe katër anëtarëve të familjes së tij në vitin 2001.

Menjëherë pas faljes, që të tre janë larguar nga Burgu i Dubravës.

Destinacion i parë i tyre, ishte Prekazi, dhe homazhet tek varrezat e familjes Jashari.

Nga këtu, ata mësynë shtëpinë e tyre në Baincë të Drenasit, njofton Klan Kosova.

Në oborrin e familje Ramadani, ishin grumbulluar një numër i madh i miqve të tyre. Vëllezërit Ramadani u përshëndetën dorë me dorë me të gjithë që po i prisnin në një atmoferë feste.

Ata nuk deshën të flasin para kamerës, por ishte vëllau i tyre, Fatoni, ai që i tha Klan Kosovës se këtë falje e konsiderojnë vetëm ndërprerje të një krimi, pasi që vëllezërit e tij nuk janë autorë të vrasjes për të cilën janë dënuar.

Kronikë e zgjeruar nga Dibran Istrefi.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.