Veri: Verifikohen 369 diploma

Rreth 370 diploma të lëshuara në Universitetin e Prishtinës, me seli të përkohshme në veri të Mitrovicës, deri më tani janë verifikuar në Ministrinë e Arsimit të Kosovës.

Verifikimi i tyre ka ardhur si rezultat i marrëveshjes së arritur në mes të Prishtinës dhe Beogradit në Bruksel, raporton Radio Kontakt, përcjellë Klan Kosova.

Drejtor i Zyrës për Çështje të Komuniteteve, Ivan Tomiq thotë se deri më tani kanë pranuar  519 kërkesa për verifikimin e diplomave dhe se deri në këtë moment janë aprovuar 369 sish.

Ai thekson se Komisioni duhet të  ulet e të diskutojë edhe një herë para fundit të këtij muaji dhe se një  numër i caktuar i diplomave nuk do të verifikohen për shkak se rregullorja e  verifikimit nuk mbulon më shumë shkolla dhe periudhën prej vitit 1999 – 2001, transmeton Klan Kosova.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.