Vizat ia pamundësojnë shkrimtarit marrjen e çmimit në Itali

Shkrimtari kosovar, Asllan Qyqalla, nuk  ka mundur të marrë pjesë në një festival të poezisë në Itali për ta pranuar çmimin e parë shkaku i mospajisjes me vizë.

Qyqalla e fitoi çmimin e parë në Festivalin e Poezisë VELIERO në Torre Melissa për poezinë Shën Valentin e cila i ishte përkthyer në gjuhën italiane, njofton Klan Kosova.

Në këtë garë, ai kishte pasur konkurrencë nga poetë ndërkombëtarë, por ishte poezia e tij që ia solli këtë çmim të rëndësishëm.

Më poshtë mund ta lexoni poezinë për të cilën u shpërblye shkrimtari ynë:

Shën Valentin

Lora

Shën Valentini na qepi

hartën e dashurisë

rrugës Egnatia-Naisus

e ne të harruar morëm

aromën e mjaltit

në hirin e prushtë

në flashktësin e shtyer.

Lora

si buberzë e bjondë në meteor

askush nuk pipëtin

në hartën e dashurisë

e ylli fugë në mallin e shterrur

në ndjenjën e pakohë

sollën freski moshe

puthjet e malit si Hera në Olimp *

fugën natëshkurtin

që sonte s`kanë mbarim.

Lora

mërdhin në ngrohtësi

re të vakta në gjiun e dashurisë

“sa shumë kam ftohtë,

Lan më merrë me vete

sonte,

s`i dua lulet

trëndafil i bardhë

të kam në Shën Valentin”!

13 shkurt 2017, në natën e vonë

Asllan Qyqalla