Pas Thaçit, Mogherini takohet me Veselin

Përfaqësuesja e Lartë e Bashkimit Evropian për Politikë të Jashtme dhe Siguri, Federica Mogherini ka nisur takimin me kryeparlamentarin, Kadri Veseli, njofton Klan Kosova.

Para takimit me Veselin, Mogherini është takuar me të parin e vendit, Hashim Thaçi.

Ndërsa pas takimit me Veselin, përfaqësuesja e Lartë e Bashkimit Evropian për Politikë të Jashtme dhe Siguri do të takohet edhe me kryeministrin Isa Mustafa dhe udhëheqësit e partive politike.

Pas takimit me Mustafën, do të ketë edhe një deklarim për media që pritet të nisë në orën 10:35.

Ndërsa më pas pritet që  Mogherini të vizitojë edhe qytetin e Mitrovicës.

Vizita e Mogherinit në Kosovë është në kuadër të turneut të saj në Ballkan, ku fillimisht ka vizituar Shkupin e më pas Beogradin dhe Tiranë.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.