“Paratë e Maqedonisë me simbole e figura shqiptare” (VIDEO) NULL NULL 26.02.2017 12:53 26.02.2017 12:53 Frika e mediave të afërta me Gruevskin; thonë se edhe paratë e Maqedonisë do bëhen me simbole e figura shqiptare. Pas pajtimit për koalicion në mes të Zoran Zaev të LSDM-së dhe partive shqiptare dhe dakordësisë për dygjuhësi, disa media në Maqedoni, të afërta me Nikola Gruevskin e VMRO-DPMNE-në, kanë shkruar se po synohet shqiptarizim i Maqedonisë, njofton Klan Kosova. Madje, ato shkruajnë se ekziston frika që edhe denari maqedonas do të ndryshohet duke iu vendosur simbole e figura të historisë shqiptare. Propaganda e tyre shkona aq larg sa shkruajnë se valuta e ardhshme 1000 denarshe do të jetë me figurën e heroit shqiptar Adem Jashari. Është punuar edhe një video që më pas është hedhur në Youtube ku tregohet një montim i një valute me pamjen e Adem Jasharit në njërën anë dhe shqiponjën në anën tjetër. klankosova.tv *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
