Pamje të Astrit Deharit kur kishte lëvizur nëpër korridorin e burgut (VIDEO)

Klan Kosova ka siguruar xhirimet e kamerave të qendrës së paraburgimit në Prizren, vend ku vdiq aktivisti i Lëvizjes Vetëvendosje, Astrit Dehari.

Në këtë segment të shkurtër, Dehari shihet kur kishte dalë nga qelia e tij për të shkuar në banjo dhe më pas edhe momenti kur kthehet.

Klan Kosova pamjen e plotë të asaj dite dhe momentet kur Dehari u gjet në dhomën e tij e ka transmetuar të plotë në emisionin Ora e Fundit.

Këto pamje janë në shërbim të afrimit sa më të madh drejt së të vërtetës për vdekjen e Deharit, e cila ende mbetet misterioze.

Dehari është gjetur i vdekur më pesë nëntor rreth orës 15:00, dhe deri më tani ende nuk dihet saktë se si ka vdekur.

Nga Lëvizja Vetëvendosje kanë thënë se nuk e besojnë versionin se ai ka bërë vetëvrasje, porse kanë dyshime të bazuara se është vrarë.

klankosova.tv