Ismaili: Të dënuarit për terrorizëm nuk e pasqyrojnë punën e BIK-ut

Të ftuar në Info Magazine sot janë Besa Ismaili nga Bashkësia Islame si dhe Mikel Sopi nga Ipeshkvia e Kosovës.

Me ta është duke u diskutuar lidhur me rrezikun e ekstremizmit fetar dhe mënyrat e luftimit të tij, me theks të veçantë në rolin e gruas në parandalimin e tij temë e cila edhe u diskutua në konferencën ndërfetare në Prishtinë.

Ismaili duke folur për të dënuarit e fundit për terrorizëm në Kosovë, ka thënë që Bashkësia Islame i ka dënuar ata shumë kohë përpara gjykatave.

“Gjithë komuniteti i imamëve të Kosovës e ne si mysliam i kemi dënuar para se ata t’i dënojë gjykata e Kosovës”.

“Ato janë raste të izoluara, e asesi nuk është pasqyrë e asaj që bënë Bashkësia Islame e Kosovës”.

Ajo gjithashtu ka thënë se asnjë studente e medreses e gjithashtu Fakultetit të Shkencave Islame nuk kanë qenë pjesë e luftërave të huaja.

“Asnjë nga këto vajza që iu janë nënshtruar mësimeve teorike islame, nuk janë pjesë e asaj që dikush sot e dënon”

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.