Mustafa inspekton Bibliotekën e cila të premten bashkon dy Qeveritë

Kryeministri i vendit, Isa Mustafa ka qëndruar sot në Bibliotekën Kombëtare të Kosovës “Pjetër Bogdani” ku ka parë nga afër punët që po bëhen për përgatitjen e mbledhjes së përbashkët ndërmjet Qeverisë së Kosovës dhe asaj të Shqipërisë e cila do të mbahet në këtë objekt më 3 qershor, njofton Klan Kosova.

Punët atje po kryhen me kërkesë të zyrës së kryeministrit.

Sipas njoftimeve të mëhershme në rend të ditës së takimit të së premtes do të jenë zbatimi i marrëveshjeve të deritashme dhe lidhja e marrëveshjeve të reja në përputhje me interesat e dyanshme.

Ky është takimi i tretë i dy qeverive. Takimi i parë ishte mbajtur në Prizren në vitin 2014 , kurse  i dyti në Tiranë gjatë vitit të kaluar, njofton Klan Kosova.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.