Kanadezët të gatshëm të investojnë në fushën e mjedisit

Ministri i Mjedisit dhe Planifikimit Hapësinor, Ferid Agani, ka pritur në takim ambasadorin kanadez, Daniel Maksymiuk, së bashku me disa investitorë të cilët kanë shprehur dëshirën të investojnë në fushën e mjedisit dhe minierave.

Agani e ka njfotuar delegacionin nga Kanada me projektet të cilat MMPH-ja i ka realizuar dhe vazhdon t’i realizojë, duke ftuar investitorët nga ky shtet që të investojnë në Kosovë, me theks të veçantë në fushën e mjedisit.

Ai gjithashtu ka thënë se Ministria që ai drejton, por edhe Qeveria e Kosovës në përgjithësi, janë duke punuar në vazhdimësi që të krijojnë një klimë të favorshme për investitorët e huaj, transmeton Klan Kosova.

Ambasadori i Kanadasë ka siguruar që shteti nga ai vjen do të vazhdojë të përkrahë këtë ministri në fushën e mjedisit.

Ai tha se investitorët kanadez kanë shprehur interesimin të investojnë në fushën e mjedisit me theks të veçantë në miniera.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.