CBS: SHBA po përgatitet për vendosjen e trupave tokësorë në Iran

Zyrtarët ushtarakë amerikanë po bëjnë përgatitje të detajuara për mundësinë e vendosjes së trupave tokësore në Iran, raporton partneri amerikan i BBC-së, CBS, duke cituar burime të shumta të paidentifikuara të informuara mbi diskutimet.

Zyrtarë të lartë të Pentagonit po bëjnë kërkesa specifike për të planifikuar një veprim të tillë, raporton CBS, transmeton Klankosova.tv.

Planifikimi përfshin biseda rreth asaj se si SHBA do të trajtonte ndalimin e ushtarëve iranianë nëse do të kishte trupa amerikane në vend.

Të premten, presidenti Donald Trump tha se SHBA-ja po shqyrtonte “përfundimin” e operacioneve të saj kundër Iranit. Ai më parë u tha gazetarëve se nuk dëshiron një armëpushim.

Ai u tha gazetarëve se nuk po planifikonte të dërgonte trupa tokësore “askund”, duke shtuar “nëse do të isha, sigurisht që nuk do t’jua thosha”.

Departamenti i Mbrojtjes nuk i është përgjigjur kërkesës së BBC-së për koment në lidhje me lëvizjet e raportuara të trupave të premten.

Komanda Qendrore e SHBA-së, e cila është përgjegjëse për operacionet ushtarake të Uashingtonit në Lindjen e Mesme, nuk pranoi të spekulonte mbi lëvizjet e mundshme të trupave.