UNICEF e Comodita bëhen bashkë, hapin qendrën me bazë në Ferizaj

Në qytetin e Ferizajt UNICEF bashkë me Comoditën, po hapin një qendër e re, e cila në fokus ka zhvillimin e hershëm të fëmijërisë.

Zyrtarja për zhvillim të fëmijërisë së hershme, Dafina Krasniqi, ka dhënë detaje mbi këtë program në emisionin “Ora Shtatë”, transmeton Klankosova.tv.

“Në fazën e zhvillimit të fëmijërisë së hershme ne i referohemi viteve të para të jetës, që i quajmë edhe mundësia e artë e papërsëritshme për investime për zhvillimin e fëmijëve. Kjo ndikon në mirëqenie, zhvillim të fëmijëve, por ndikojnë edhe në të ardhmen e një vendi”, tha Krasniqi.

“Në këto programe përfshihet shëndeti i fëmijëve, shërbimet e ndryshme për mirëqenien e prindërve e fëmijëve, për ushqyeshmërinë, edukimin e hershëm, në mbrojtjen e tyre që është tejet e rëndësishme”, u shpreh ajo në Klan Kosova.