Vazhdon të jetë e rëndë gjendja e punëtorit nga Gjilani, i nënshtrohet operacionit

23-vjeçari që ra nga kati i gjashtë i një ndërtese në ndërtim në Gjilan vazhdon të jetë në gjendje të rëndë shëndetësore.

Lajmin për Klankosova.tv e ka bërë të ditur Gazmend Spahija nga Klinika e Anestezionit me Mjekim Intensiv, i cili njoftoi se ai është duke iu nënshtruar operacionit.

Ndërkaq, gjatë ditës së sotme Klankosova.tv ka raportuar se nga burime të gazetares së Klan Kosovës, Endrita Bajrami, i lënduari është Rinor Haxhiu i cili aktualisht po trajtohet në mjekim intensiv në QKUK, dhe i njëjti ka politraumë.

Siç thonë më tej burimet e gazetares Bajrami, viktima në emergjencën e Gjilanit ishte dërguar pa shenja jete, mirëpo pas reanimimit iu kanë kthyer shenjat e jete. /Klankosova.tv