Godet rrethojën metalike dhe përfundon në restorant, vdes shoferi në Gjakovë

Një person ka vdekur mbrëmë si pasojë e një vetaksidenti në rrugën “Wesley Clark” në Gjakovë.

Sipas njoftimit të Policisë së Kosovës, viktima derisa ka qenë duke drejtuar automjetin e tij dyshohet se në një moment e ka humbur kontrollin mbi drejtimin e automjetit dhe ka përfunduar jashtë rruge duke goditur një rrethojë metalike dhe përfundon në hapësirën e një restoranti, transmeton Klankosova.tv.

“Viktima mashkull kosovar deri sa ka qenë duke drejtuar automjetin e tij me targa vendore dyshohet se në një moment e humb kontrollin mbi drejtimin e automjetet dhe përfundon jashtë rruge duke u duke goditur një rrethojë metalike dhe përfundon në hapësirën e një restoranti. Në vendin e ngjarjes nga mjeku kujdestar është konstatuar vdekja e viktimës, ndërsa me urdhër të prokurorit kujdestar, trupi i pa jetë dërgohet në IML për obduksion”, thuhet në raportin 24-orësh të policisë.