Britania e Madhe rihap ambasadën e saj në Teheran

Britania e Madhe ka rihapur ambasadën e saj në Iran, e cila ishte mbyllur përkohësisht, tha Sekretari i Jashtëm Hamish Falconer para parlamentit.

“Ne kemi rihapur ambasadën tonë në Teheran, e cila ishte mbyllur përkohësisht. Është emëruar një person përgjegjës dhe ne do të vazhdojmë të luajmë rolin tonë të plotë në sigurimin e sigurisë së shtetasve britanikë në Iran”, i tha ai parlamentit, raportojnë mediat britanike, transmeton Klankosova.tv.

Një ekip inspektorësh nga Agjencia Ndërkombëtare e Energjisë Atomike (IAEA) është larguar shëndoshë e mirë nga Irani për t’u kthyer në selinë e agjencisë së OKB-së në Vjenë, pasi qëndroi në Teheran gjatë luftës midis Izraelit dhe Iranit, tha sot IAEA.

Drejtori i përgjithshëm i agjencisë, Rafael Grossi, përsëriti rëndësinë kritike të diskutimit të IAEA-së me Iranin mbi detajet e rifillimit të aktiviteteve të nevojshme të monitorimit dhe verifikimit në Iran sa më shpejt të jetë e mundur.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.