Aksidentet në rajonin e Ferizajt shënojnë rritje prej 30% gjatë qershorit (VIDEO)

Gjatë muajit qershor në rajonin e Ferizajt, që përfshin komunat: Ferizaj, Kaçanik, Shtime, Shtërpcë dhe Hani i Elezit, janë raportuar gjithsej 196 aksidente në komunikacionin rrugor.

Policia njofton se tre aksidente ishin fatale ku vdiqën tre persona, kurse 80 të tjera rezultuan me lëndime të 126 personave, transmeton Klankosova.tv.

Kurse, 105 aksidente ishin me dëme materiale.

Për krahasim, gjatë muajit qershor të vitit të kaluar janë raportuar gjithsej 150 aksidente, prej tyre:1 aksident fatal, me 1 person të vdekur, 67 aksidente me lëndime, me 96 persona të lënduar,82 aksidente me dëme materiale.

Bëhet e ditur se krahasuar me periudhën e njëjtë të vitit të kaluar, numri i përgjithshëm i aksidenteve ka shënuar një rritje prej rreth 30%.

Po ashtu, gjatë muajit qershor -2025, Policia Rajonale e Ferizajt ka shqiptuar gjithsej 5.847 gjoba për kundërvajtje të ndryshme në komunikacion dhe ka shqiptuar masën mbrojtëse të heqjes së patentë-shoferit për 98 drejtues automjetesh, të cilët kanë kryer shkelje të rënda të rregullave të trafikut.

Ndiqni detajet shtesë nga gazetarja Qliresa Hasani në emisionin “Ora 7”:

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.