Al Hilal e çoi në shtëpi Manchester Cityn

Surprizat në Botërorin e klubeve po vazhdojnë.

Pas eliminimit të Interit nga Fluminense, tashmë edhe kampioni në fuqi, Manchester City u eliminua nga Al-Hilal.

Loja përfundoi me rezultat 3:4 në favor të gjigandit arab që fitoi në vazhdime.

Ky triumf erdhi si hakmarrje e Simone Inzaghit, pas asaj humbjes në finalen e Ligës së Kampionëve me Interin në vitin 2023.

Golat u realizuan nga Marcos Leonardo, që shënoi dy gola, Koulibaly dhe Malcom për Al-Hilalin, ndërsa për Cityn realizuan Bernardo Silva, Erling Haaland dhe Phil Foden.

Al-Hilal, në çerek-finale do të përballet me gjigantin brazilian, Fluminense me ndeshjen që zhvillohet, më 4 korrik.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.