11 të vdekur nga shembja e minierës së arit në Sudan

Shembja e pjesshme e një miniere tradicionale ari në verilindje të Sudanit ka lënë të vdekur 11 minatorë, derisa shtatë të tjerë kanë pësuar lëndime, sipas kompanisë shtetërore të minierave, ndërsa një luftë civile brutale midis Forcave të Armatosura Sudaneze (SAF) dhe Forcave të Mbështetjes së Shpejtë (RSF) është në vitin e saj të tretë.

Që nga shpërthimi i luftës në prill 2023, fondet e luftës të të dyja palëve janë financuar kryesisht nga industria e arit të Sudanit.

Në një deklaratë,  Kompania Sudaneze e Burimeve Minerale (SMRC) tha se shembja ndodhi në një “bosht artizanal në minierën Kirsh al-Fil” gjatë fundjavës në zonën e largët të shkretëtirës Howeid, e vendosur midis qyteteve të kontrolluara nga SAF, Atbara dhe Haiya, në shtetin verilindor të Detit të Kuq të Sudanit, shkruan Aljazeera, transmeton Klankosova.tv.

Kompania shtoi se më parë kishte pezulluar punën në minierë dhe “paralajmëroi kundër aktivitetit të saj të vazhdueshëm për shkak se përbënte rrezik të madh për jetën”.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.